اسلام آباد۔28دسمبر (اے پی پی):قومی کمیشن برائے وقار نسواں کی چیئرپرسن نیلوفر بختیار نے کہا ہے کہ بیرون ملک پاکستان کا بہتر تشخص پیش کرنے کی ضرورت ہے۔
وہ جمعرات کو غیر سرکاری تنظیم کے زیر اہتمام سیمینار سے خطاب کر رہی تھیں۔ انہوں نے کہاکہ ملک کے حالات میں بہت بہتری آئی ہے، ہمارے پاس درست اعداد و شمار نہیں ہوتے جس کی وجہ سے بین الاقوامی سطح پر نقصان ہوتا ہے ہمیں ہمیشہ اپنے ملک کے بہتر شخص کو اجاگر کرنا چاہئے۔انہوں نے کہا کہ ہمیشہ کمزور طبقات کی آواز بننا چاہئے ،قومی کمیشن برائے وقار نسواں کی چیئرپرسن نیلوفر بختیار نے مزید کہا کہ ہمیں بچوں خواتین اور ٹرانسجینڈر کے تحفظ کو یقینی بنانا ہو گا۔ سیمینار میں غیر سرکاری تنظیموں کے نمائندوں ، خواتین ، دانشوروں اور متعلقہ ماہرین نےبھی شرکت کی ۔