سلائی مشین ایک ضرورت کی چیز ہے اور بہت سی خواتین کیلیئے روزی روٹی کا ذریعہ، مگر مشین چاہے کوئی بھی ہو وقت کے ساتھ اسے مرمت کی ضرورت پڑ ہی جاتی ہے۔
اکثر آپ نے دیکھا ہوگا کہ سلائی مشین میں پانی چلا جائے یا پھر کچھ عرصے استعمال نہ کی جائے تو اس میں رنگ لگ جاتا ہے، جس کی وجہ سے وہ جام ہو کر خراب ہوجاتی ہے اور اس وقت کسی کام نہیں آتی جب تک کاریگر کو دے کر ٹھیک نہ کروالی جائے۔
تو آئیے آج ہم آپ کو سلائی مشین کا زنگ نکالنے کا ایک ایسا طریقہ بتاتے ہیں جس سے آپ خود ہی باآسانی یہ کام گھر میں کر سکتے ہیں۔
مشین میں لگا زنگ نکالنے کا طریقہ:
۔ سب سے پہلے آپ پیچ کس کی مدد سے مشین کا متھا کھولیں، پھر اسکی چٹکی پر جو نٹ لگا ہوتا ہے اسے کھولیں، اسکے بعد چول کا پیچ نکال کر اسے کھول لیں تا کہ گز باہر آجائے۔
۔ اب پیچ کس کی مدد سے مشین کے سارے زنگ لگے پارٹس نکال لیں، جو بھی آپ نکال سکیں اور باآسانی دوبارہ لگا سکیں۔
۔ ان تمام پارٹس کو آپ ریگ مار کی مدد سے صاف کریں یا پھر مٹی کے تیل سے بھی صاف کرسکتے ہیں، پھر آئلنگ کر کے پارٹس دوبارہ مشین میں لگا دیں۔
۔ طریقہ کار کو مزید اچھے سے سمجھنے کیلیئے نیچے دی گئی ویڈیو دیکھیں