پریشر ککر ہر کچن میں اب پایا جاتا ہے اور اس میں مزے مزے کے کھانے بنا کر کھائے جاتے ہیں اور اب تو حال ہی میں عید گزری ہے تو سب نے ککر کا بہت استعمال کیا ہوگا، کہیں کلیجی گلائی گئی ہوگی تو کہیں نمک والا گوشت بنانے کے لئے گوشت کو گلایا ہوگا۔ کچھ خواتین تو اس میں دال بھی جلدی گلا لیتی ہیں ۔ مگر اس کا سب سے بڑا نقصان اس وقت ہوتا ہے جبکہ ککر پھٹ جاتا ہے۔
ایک ایسی ہی خاتون کی کہانی ہم آپ کو بتا رہے ہیں جن کے مطابق:
''
میں نے نیا ککر خریدا، 2 ماہ وہ بالکل صحیح چلا اس کی ربڑ بھی خراب نہیں ہوئی، لیکن ایک دن اچانک وہ پھٹ گیا، وہ تو شکر ہوا کہ میں پاس کھڑی ہوئی نہیں تھی، مگر ایک ماہ کے بعد میری بھابھی کچن میں کام کر رہی تھیں اور ایک دم ککر پھٹ گیا، جس سے ان کی کمر جل گئی۔ اس دن میرے اوسان خطا ہوگئے اور ککر کو استعمال نہ کرنے کی ٹھان لی۔ اب میرا کھانا دیر سے بنتا ہے لیکن میں ککر کا استعمال نہیں کرتی ہوں۔
''
اگر آپ بھی ایسے خوفناک حادثات سے بچنا چاہتے ہیں تو جانیئے کیسے پریشر ککر کو پھٹنے سے روکا جاسکتا ہے۔
طریقہ:
٭ پریشر ککر میں کھانا پکانے سے قبل اس کی ربڑ میں آپ کوئی بھی آئل لگا لیں تاکہ وہ آسانی سے بند ہو جائے اور گیس کے دباؤ کی وجہ سے نہ پھٹے۔
٭ ککر کو اچھی طرح بند کریں کہ جب اس میں آپ کھانا پکائیں اور وہ گلنے پر آئے تو وہ پھٹے نہ۔
٭ ککر میں اتنا کھانا نہ ڈال دیں کہ وہ اوپر منہ تک آئے، بلکہ ایک تہائی حصہ کم کھانا ڈالئے۔
٭ ککر میں کھانا چڑھانے کے بعد کبھی اس کے قریب نہ کھڑے ہوں۔ اور جوں ہی سیٹی بجنے لگے چولہے کی آنچ ہلکی کردیں یا بند کردیں۔
٭ ککر میں پانی کم رکھیں، اس سے پھٹنے کا زیادہ خطرہ ہوتا ہے۔