گھر کے چھوٹے موٹے کام بھی بعض اوقات آپ کا کافی وقت لے لیتے ہیں، جن کو آسان بنانے کے لیئے آج کل نٹرنیٹ پر بہت ساری ٹپس موجود ہیں، مگر ان میں چند ہی کارآمد ہوتی ہیں۔ اب جیسے سفید سرکے کو ہی لے لیں، اس سے متعلق بھی کافی ساری ٹپس آپ نے دیکھی ہوں گی۔
لیکن کیا آپ جانتی ہیں سرکے سے کپڑے کی سلوٹیں بھی ٹھیک ہوسکتی ہیں؟ اگر نہیں تو آج ہم آپ کے ساتھ شئیر کریں گے سفید سرکے کی چند ایسی ٹپس جن سے آپ کے روز مرہ کے کام آسان ہوسکتے ہیں۔
سفید سرکے کی آسان ٹپس:
۔ اگر گھر میں بجلی نہ آرہی ہو اور آپ کو کپڑے استری کرنے ہوں تو ایسے میں آپ قمیض کو ہینگر میں لگا کر، ایک اسپرے بوتل میں پانی اور سرکے کا محلول بنائیں اور قمیض پر اسپرے کریں اور اسے لٹکادیں، سلوٹیں ہٹ جائیں گی۔
۔ برتنوں پر لگے ضدی داغ خاص کر جلے ہوئے برتن صاف کرنے کیلیئے، اس برتن کو چولہے پر رکھیں اور اس میں پانی اور سرکہ ڈال کر گرم کریں پھر رگڑ کے دھو لیں، برتن صاف ہوجائے گا۔
۔ گھر میں مکھیاں آرہی ہوں تو ایک پیالے میں سرکہ بھر کر اس پر ٹرانسپیرنٹ پلاسٹک لگائیں اور اس میں اوپر سے چھوٹے سوراخ کر کے کہیں بھی رکھ دیں، اس کی خوشبو سے مکھیاں چلی جائیں گی۔
۔ نظر کے چشمے صاف کرنے کیلیئے اس پر سرکے کا اسپرے کر کے کپڑے سے صاف کریں یا کپڑے کو سرکے میں بھگو کر چشمہ صاف کریں۔
۔ پیروں کے ناخنوں میں فنگس لگ جائے تو اسکے لیئے ایک ٹب میں گرم پانی ڈال کر اس میں سرکہ شامل کریں اور پیر بھگا دیں، فنگس ٹھیک ہوجائے گی۔