ریاض ۔19مئی (اے پی پی):سعودی عرب کے ولی عہد شہزادہ محمد بن سلمان سے وائٹ ہاؤس کے قومی سلامتی کے مشیر جیک سلیوان نے مشرقی شہر ظہران میں ملاقات کی اور دونوں ملکوں کے درمیان سٹریٹجک تعلقات اور مختلف شعبوں میں تعاون بڑھانے کے طریقوں کا جائزہ لیا ۔
ایس پی اے کے مطابق ملاقات کے دوران دونوں ملکوں کے درمیان سٹریٹجک تعلقات اور مختلف شعبوں میں ان کو بڑھانے کے طریقوں کا جائزہ لیا گیا۔ اس دوران دیرپا جنگ بندی اور غزہ میں انسانی ہمدردی کی بنیاد پر امداد کی بلاتعطل رسائی سمیت مسئلہ فلسطین کا قابل اعتبار حل تلاش کرنے کی کوششوں اور فلسطینی عوام کی خواہشوں اور جائز حقوق کے مطابق دو ریاستی حل بارے بھی تبادلہ خیال کیا گیا۔