سینٹ پیٹرز برگ۔18مئی (اے پی پی):روس کے شہرسینٹ پیٹرزبرگ میں سگنل کور کی ملٹری اکیڈمی میں دوسری جنگ عظیم کے دور کا گولہ پھٹنے سے سات فوجی اہلکار زخمی ہو گئے۔شنہوا نے روس کے لینن گراڈ ملٹری ڈسٹرکٹ کے پریس آفس کے حوالہ سے بتایا کہ دھماکہ تہہ خانے کے احاطے میں کی صفائی کے دوران اس وقت ہواجب اہلکار ایک کنٹینر میں کچرا منتقل کر رہے تھے۔
پریس آفس کے مطابق دوسری جنگ عظیم کے دور کا 76 ملی میٹر کا گولہ اچانک پھٹ گیا۔ دھماکے کے نتیجہ میں زخمی ہونے والے اہلکاروں کو وزارت دفاع کی صحت کی سہولت میں لے جایا گیا ہے۔سینٹ پیٹرزبرگ کے گورنر الیگزینڈر بیگلوف نےکہا ہے کہ اس واقعہ کا دہشت گردی سے کوئی تعلق نہیں تھا۔