بانی پی ٹی آئی کی تصویر وائرل کیسے ہوئی؟ تفتیش شروع
بانی پی ٹی آئی کی تصویر وائرل ہوتے کے ساتھ ہی پاکستان میں ایک نئے کیس نے جنم
لے لیا ہے- سپریم کورٹ انتظامیہ نے بانی پی ٹی آئی کی تصویر وائرل ہونے پر تحقیقات
شروع کردیں۔
ذرائع کے مطابق سی سی ٹی وی کیمرے دیکھ کر تصویر وائرل کرنے والے کی نشاندہی کرنے
کی ہدایت کی گئی ہے، پولیس تصویر کو وائرل کرنے والے کے خلاف ایکشن لے گی۔
ذرائع کا کہنا ہے کہ تصویر کورٹ روم رولز کی خلاف ورزی کرتے ہوئے لی گئی۔
تصویر وائرل ہونے کے بعد عدالت میں بانی پی ٹی آئی کی ویڈیو کا سائز کم کردیا گیا۔
واضح رہے کہ بانی پی ٹی آئی آج ویڈیو لنک کے ذریعے سپریم کورٹ میں پیش ہوئے تھے۔