واشنگٹن ۔15مئی (اے پی پی):امریکی محکمہ دفاع (پینٹاگان )نے کہا ہے کہ اس کی غزہ سے متصل سمندر کے ساتھ بنائی گئی نئی بندرگاہ آنے والے چند دنوں میں شہریوں کو امدادی سامان کی ترسیل کے لیے کام شروع کر دے گی۔
العربیہ اردو کے مطابق پینٹا گان کے اعلان میں یہ بھی واضح طور پر کہا گیا ہے کہ فورس کے دفاع اور تحفظ کا معاملہ ایک تشویش کے پہلو کے طورپر ساتھ رہے گا۔انہوں نے کہا کہ عارضی امریکی بندر گاہ کی حفاظت کے لیے انتظامات لازمی کیے جائیں گے۔ واضح رہے کہ چند دن قبل برطانوی وزیر خارجہ ڈیوڈ کیمرون نے اس بندرگاہ کی حفاظت کے لیے اپنی فوج دینے سے انکار کیا تھا، البتہ سول کنٹریکٹرز کی خدمات لینے کا عندیہ دیا تھا۔