اسلام آباد۔9مئی (اے پی پی):وفاقی وزیر برائے صنعت و پیداوار رانا تنویر حسین نے کہا ہے کہ حکومت جوس انڈسٹری کے مسائل کو حل کرنے میں کردار ادا کرے گی،حکومت جوس انڈسٹری کو ہر ممکن مدد دینے کو تیار ہے۔
وزارت صنعت و پیداوار سے جاری بیان کے مطابق ان خیالات کااظہار انہوں نے فروٹ جوس کونسل کے وفد سے گفتگوکرتےہوئے کیاجنہوں نے جمعرات کو یہاں ان سے ملاقات کی۔ ملاقات کے دوران وفد میں نیسلے، شیزان، ٹیٹرا پیک، پیپسی کو، حلیب فوڈز، اور پاپولر گروپ کے نمائندے شامل تھے۔وفد نے وفاقی وزیر کو جوس انڈسٹری پہ تفصیلی بریفنگ دی۔ کونسل کے وفد نے بتایا کہ حالیہ ٹیکسوں میں اضافے کی وجہ سے جوس کی فروخت میں 40 فیصد کمی آئی ہے۔حکومت جوس انڈسٹری کے مسائل کو حل کرنے میں مدد کرے۔ رانا تنویر حسین نےکہا کہ حکومت جوس انڈسٹری کے مسائل کو حل کرنے میں کردار ادا کرے گی،برآمدات میں اضافہ حاصل کرنے کے لئے سہولت فراہم کرنے کے لئے تیار ہیں، کونسل مسائل کو حل کرنے کے لئے جامع تجویز پیش کرے۔ انہوں نے کہاکہ موجودہ چیلنجز سے نمٹنے کے لیے سفارشات پیش کی جائیں، حکومت جوس انڈسٹری کو ہر ممکن مدد دینے کو تیار ہے۔