ایشیاکی سب سے بڑی مویشی منڈی کا آغازتیسر ٹاؤن ناردرن بائی پاس پر ٍ10 مئی سے ہوگا۔ سنّتِ ابراہیمی کی ادائیگی کے لئے مویشی منڈی 2024 میں ملک بھر سے مویشی فروخت کے لئے مہیا کئے جائیں گے۔1000ایکڑ سے زائد رقبے اور متعدد بلاکس پر مشتمل مویشی منڈی جدید خطوط پر منعقد کی جارہی ہے، جس میں خریداروں اور بیوپاریوں کی آسانی کے لئے کافی سہولیات فراہم کی جائیں گی۔ بہتر انفراسٹرکچر، گاڑیوں کی پارکنگ، سیکیورٹی کے لئے نصب کیمرے، بینکاری سہولیات، مویشیوں کے طبی معائنہ اور وافر مقدار میں خوراک اور صاف پانی کی فراہمی اور ایسی بے شمار سہولیات سے خریدار اور بیوپاری مستفید ہونگے۔ شہریوں کی حفاظت کو مد نظر رکھتے ہوئے منڈی کے تمام راستوں پر رینجرز اور پولیس کی اضافی چیک پوسٹس قائم کی جائیں گی۔ مویشیوں کی خریداری کو آسان، کیش لیس اور محفوظ بنانے کے لئے خریدار بینکنگ سروسز استعمال کر سکتے ہیں۔