سعودی عرب کے معمر ترین شہری ناصر بن رادان الراشد 142 برس کی طویل عمر پانے کے بعد انتقال کر گئے۔ مقامی میڈیا کے مطابق ان کا انتقال جنوبی سعودی عرب کے علاقے ظہران الجنوب میں ہوا۔
مرحوم کی نمازِ جنازہ ظہران الجنوب میں ادا کی گئی جس میں 7 ہزار سے زائد افراد نے شرکت کی، بعد ازاں انہیں ان کے آبائی گاؤں الرشید میں سپردِ خاک کر دیا گیا۔
ناصر بن رادان الراشد سعودی عرب کے قیام سے قبل پیدا ہوئے تھے اور انہوں نے جدید سعودی ریاست کے بانی شاہ عبدالعزیز سے لے کر موجودہ فرمانروا شاہ سلمان تک مختلف ادوار دیکھے۔ اہلِ خانہ کے مطابق مرحوم کو 40 سے زائد مرتبہ حج کی سعادت حاصل ہوئی۔
ان کے پسماندگان میں 134 بچے، پوتے اور پوتیاں شامل ہیں۔ اہلِ خانہ کا کہنا ہے کہ انہوں نے آخری بار 110 برس کی عمر میں شادی کی تھی اور ان کی ایک بیٹی بھی ہے۔