حضرت ابن عباس رضی اللہ تعالی عنہ
سے کسی نے دریافت کیا
سب سے افضل دن، سب سے افضل مہینہ، سب سے افضل عمل کونسا ہے-آپ رضی اللہ تعالی
نے فرمایا
١ سب سے افضل دن، جمعہ المبارک ہے
٢ سب سے افضل مہینہ،رمضان المبارک ہے
٣ سب سے افضل عمل،پانچ نمازوں کو وقت پر ادا کرنا ہے
حضرت ابن عباس رضی اللہ تعالیٰ عنہ کو فرمائے ہوئے ابھی تین دن گذرے تھے کہ
حضرت علی رضی اللہ تعالیٰ عنہ تک یہ بات پہنچ گئی کہ کسی نے حضرت ابن عباس رضی
اللہ تعالی عنہ سے یہ سوالات کیئے ہیں اور آپ نے یہ جوابات دیئے ہیں- یہ سن کر
حضرت علی رضی اللہ عنہ فرمانے لگے- اگر یہی سوالات مشرق و مغرب کے تمام علماء،
حکماء، فقہاء،سے کئے جاتے تو اس طرح کے جوابات نہ دے سکتے جس طرح حضرت ابن عباس
رضی اللہ تعالی عنہ دئے ہیں
مگر میں کہتا ہوں
١ سب سے افضل عمل وہ ہے، جس کو اللہ تعالیٰ قبول فرمالیں
٢ سب سے افضل مہینہ وہ ہے، جس میں آدمی سچی توبہ کرلے
٣ سب سے افضل دن وہ ہے جس میں آدمی حالت ایمان میں دنیا سے رخصت ہو کر اللہ
تعالیٰ کی طرف جائے |