سُپر اسٹار اداکارہ ماہرہ خان کے حوالے سے ان کے دوسرے بچے کی آمد کی خبر تیزی سے سوشل میڈیا کی زینت بن گئی تھی وہیں اب حقیقت سامنے آگئی ہے۔
ماہرہ خان نے دوسرے بچے کی متوقع پیدائش سے متعلق بھارتی میڈیا کے دعووں کی تردید کردی۔
چند ماہ قبل دوسری مرتبہ شادی کے بندھن میں بندھنے والی ماہرہ خان نے حاملہ ہونے کے سبب او ٹی ٹی سیریز’جو بچے سنگ سمیٹ لو‘ سمیت دو بڑے پراجیکٹس سے دستبردار ہونے سے متعلق سوشل میڈیا پر گردش کرتی خبروں کی بھی تردید کی ہے۔
خیال رہے کہ گزشتہ روز بھارتی میڈیا نے بحث و مباحثے کے امریکی پلیٹ فارم ریڈٹ پر گردش کرنے والی ایک پوسٹ کی بنیاد پر دعویٰ کیا تھا کہ اداکارہ کے یہاں دوسرے بچے کی پیدائش متوقع ہے جس کی وجہ سے وہ او ٹی ٹی سیریز ’جو بچے سنگ سمیٹ لو‘ سمیت دو بڑے پراجیکٹس سے دستبردار ہوگئیں ہیں۔
ماہرہ خان نے مقامی میڈیا سے گفتگو کرتے ہوئے بتایا ہے کہ نہ ہی وہ ماں بننے والی ہیں، نا تو وہ کسی او ٹی ٹی سیریز سے دستبردار ہوئی ہیں۔