ریاض۔10مئی (اے پی پی):سعودی وزیر خارجہ شہزادہ فیصل بن فرحان بن عبداللہ سے فلسطینی وزیراعظم و وزیرخارجہ ڈاکٹر محمد مصطفیٰ نے ریاض میں ملاقات کی اور فلسطین خاص طور پر غزہ اور رفح شہر کی تازہ ترین صورتحال پر تبادلہ خیال کیا ۔
اردو نیوز کے مطابق ملاقات کے دوران دونوں ممالک کے درمیان دو طرفہ تعلقات کے فروغ پر بھی تبادلہ خیال کیا گیا۔ اس موقع پر سعودی وزارت خارجہ کے سیکرٹری برائے سیاسی امور ڈاکٹر سعود الساطی ، مشیر خارجہ ڈاکٹرمنال رضوان اور محمد الحربی بھی موجود تھے۔