اسلام آباد۔19مارچ (اے پی پی):اسلام آباد الیکٹرک سپلائی کمپنی (آئیسکو) ریجن کے 132 کے وی گرڈ اسٹیشن سٹیلائٹ ٹائون راولپنڈی سے منسلک انڈر گراؤنڈ مین ہول میں آتشزدگی کے باعث مین ہول سے گزرنے والے 11 کے وی کے 5 فیڈرز پر بجلی کی فراہمی میں عارضی تعطل پیدا ہوا ہے۔
ترجمان آئیسکو کے منگل کو جاری بیان کے مطابق متاثرہ فیڈرز میں شہید محمد دین، صادق آباد ،شکریال،شمس آباد اور فاروق اعظم شامل ہیں ۔ انہوں نے کہا کہ آپریشن ٹیمیں افطار سے قبل متاثرہ فیڈرز کا لوڈ متبادل فیڈرز پر منتقل کرنے کے لیے کوشاں ہیں ، آئیسکو انتظامیہ نے بجلی کی فراہمی میں آنے والے عارضی تعطل پر اپنے صارفین سے معذرت کی ہے۔