پی ایس ایل 9 کے تیرہویں میچ میں پشاور زلمی نے اسلام آباد یونائیٹڈ کو جیت کیلئے 202رنز کا ہدف دیدیا۔
لاہور میں کھیلے جارہے میچ میں اسلام آباد یونائیٹڈ نے ٹاس جیت کر پہلے بائولنگ کرنے کا فیصلہ کیا۔پشاور زلمی نے مقررہ 20 اوورز میں 5 وکٹوں کے نقصان پر 201 رنز بنائے ، پشاور زلمی کی جانب سے کپتان بابر اعظم نے شاندار سنچری بنائی وہ 111 رنز بنا کر ناٹ آئوٹ رہے۔
صائم ایوب نے 38، پائول والٹر 19 اورآصف علی نے 17 رنز بنائے ، اسلام آباد یونائیٹڈ کی جانب سے شاداب خان نے 2 کھلاڑیوں کو آئوٹ کیا۔نسیم شاہ اور آغا سلمان کے حصے میں ایک، ایک وکٹ آئی۔
پوائٹنس ٹیبل پر اس وقت پشاور زلمی چوتھے اور اسلام آباد یونائیٹڈ پانچویں نمبر پر موجود ہے۔