کراچی: نگران وزیر داخلہ سندھ نے موسلا دھار بارش کے بعد سڑکوں پر ٹریفک جام کا نوٹس لے لیا۔
نگران وزیر داخلہ سندھ نے بارش کے بعد شہر قائد کی بیشتر سڑکوں پر ٹریفک جام کا نوٹس لیتے ہوئے ہدایت کی کہ ٹریفک افسران اپنی نگرانی میں ٹریفک بحالی کے لیے اقدامات کریں۔
انہوں نے کہا کہ شہری حکومت، کمشنر سے رابطہ کر کے ایمرجنسی ٹریفک پلان بنایا جائے۔
دوسری جانب میئر کراچی مرتضیٰ وہاب نے موسلا دھار بارش کے بعد پیدا ہونے والی صورتحال کے باعث شہریوں کو گھروں سے باہر نہ نکلنے کی ہدایت کر دی۔
یہ بھی پڑھیں: کراچی کی شاہراہوں پر سیلابی صورتحال، گاڑیاں ڈوب گئیں
میئر کراچی مرتضیٰ وہاب نے کراچی میں موسلا دھار بارش کے بعد اپنے جاری ایک بیان میں کہا کہ شہری بلاضرورت گھروں سے نہ نکلیں اور کراچی کے مختلف علاقوں میں ابھی بھی بارش ہو رہی ہے۔
ان کا کہنا تھا کہ کراچی کے بڑے علاقوں میں ٹیمیں موجود ہیں اور برساتی نالے پورے بہاؤ پر ہیں جبکہ کچھ پمپنگ اسٹیشن بھی بند ہو گئے ہیں۔