کیا آپ کو کبھی نظر کا دھوکہ ہوا ہے؟ کیا کبھی آپ نے کسی منظر یا تصویر کو سمجھنے کے لئے 3 سے 4 بار یا اس سے بھی زیادہ مرتبہ پلٹ پلٹ کر دیکھا ہے؟ آئیے آج بھی آپ کو چند ایسے ہی نظارے کرواتے ہیں تاکہ آپ کی تھوڑی سی ذہنی ورزش ہوجائے۔

2 سروں والا کتا

اگر آپ بھی اس تصویر کو دیکھ کر یہ سمجھ رہے ہیں کہ ایک ہی کتے کے 2 سر ہیں تو جناب ایسا بالکل نہیں۔ یہ اینگل کا کھیل ہے اور ایک کتا اپنے ساتھی کے پیچھے اس انداز میں کھڑا ہے کہ اس کا جسم چھپ سا گیا ہے۔

سر پر درخت

کیا اس آدمی کے سر پر پتوں سے بھرا درخت نکل آیا ہے؟ نہیں یہ اصل میں گھنگریالے بالوں والے شخص کی تصویر ہے جس کے سر کے پیچھے درخت ہے۔ تصویر کچھ اس انداز میں لی گئی کہ درخت کا گھنا حصہ بھی بالوں کے بڑے سے گچھے جیسا بن گیا ہے

یہ ٹوٹا دروازہ ہے یا پینٹنگ؟

دروازے کے پیچھے دروازہ ہے یا پھر دروازے پر سینری چپکائی گئی ہے؟ یا پھر واقعی برف باری ہورہی ہے؟ آپ کیا کہتے ہیں؟

ہوبہو منظر

یہ ایک خوبصورت اتفاق ہے کہ گاڑی پر جو منظر پینٹ کیا گیا ہے گاڑی اسی راستے سے گزر رہی ہے اور اسی منظر کا حصہ معلوم ہورہی ہے