اعلیٰ ثانوی تعلیمی بورڈ کراچی نے انٹرمیڈیٹ حصہ اول آرٹس ریگولر اور پرائیویٹ گروپس کے سالانہ امتحانات برائے 2017ء کے نتائج کا اعلان کردیا ہے۔
اعلیٰ ثانوی تعلیمی بورڈ کے چیئرمین پروفیسر انعام احمد نے نتائج کی
تفصیلات بتاتے ہوئے کہا کہ آرٹس ریگولر گروپ کے امتحانات میں 13580 طلباء رجسٹرڈ
ہوئے جس میں سے 13299 طلباء نے امتحانات میں شرکت کی جس میں سے 3794 طلباء نے تمام
چھ پرچوں میں، 3270 نے پانچ پرچوں میں، 2168 نے چار پرچوں میں، 1576 نے تین پرچوں
میں، 1135 نے دو پرچوں میں اور 851 طلباء نے صرف ایک پرچے میں کامیابی حاصل کی۔
آرٹس پرائیویٹ گروپ کے امتحانات میں 7225طلباء نے رجسٹریشن حاصل کی جبکہ 6712 نے
امتحانات میں شرکت کی جس میں سے 1649 طلباء تمام چھ پرچوں میں، 1513 پانچ پرچوں میں،
1194 چار پرچوں میں ، 847 نے تین پرچوں میں، 627 نے دو پرچوں میں اور صرف 472 نے
ایک پرچے میں کامیابی حاصل کی۔