اعلیٰ ثانوی تعلیمی بورڈ کراچی نے اعلان کیا ہے کہ انٹرمیڈیٹ بارہویں جماعت (فریش اینڈ فیلیئر)، امپروومنٹ آف ڈویژن، بارہ پرچے (T.P)، اسپیشل چانس، ایڈیشنل سبجیکٹ اور شارٹ سبجیکٹ کے سالانہ امتحانات برائے 2023ء کے لئے سائنس پری میڈیکل، پری انجینئرنگ، سائنس جنرل اور آرٹس ریگولر گروپس کے عملی امتحانات 20جون 2023ء سے شروع ہورہے ہیں۔ انٹربورڈ کی جانب سے طالب علموں کو ہدایت کی گئی ہے کہ وہ عملی امتحانات کا پروگرام 20جون سے پہلے اپنے کالجوں سے حاصل کرلیں۔ تمام پرائیویٹ امیدوار، ایڈیشنل سبجیکٹ، امپروومنٹ آف ڈویژن، شارٹ سبجیکٹ، بارہ پرچے (T.P)، اسپیشل چانس کے امیدوار عملی امتحانات اپنے سابقہ کالجوں میں ہی دیں گے جبکہ فریش امیدوار بھی عملی امتحانات اپنے کالجوں میں دیں گے۔