کراچی۔ اعلیٰ ثانوی تعلیمی بورڈ کراچی کے ناظم امتحانات محمد عمران خان
چشتی کے جاری کردہ اعلامیے کے مطابق انٹرمیڈیٹ سال دوم سائنس پری انجینئرنگ
اور سائنس جنرل (کمپیوٹرسائنس) گروپس کے سالانہ امتحانات برائے 2016ء کے
نتائج کا اعلان بروز اتوار 11ستمبر 2016ء کو دوپہر ڈیڑھ بجے کیا جائے گا،
اس موقع پر پوزیشن حاصل کرنے والے طلباء و طالبات کے اعزاز میں تقریب بورڈ
کے آڈیٹوریم میں منعقد کی جائے گی۔ تمام الیکٹرانک و پرنٹ میڈیا کے
نمائندوں سے درخواست ہے کہ وہ اس پروگرام کی کوریج کے لئے شرکت فرمائیں۔
انہوں نے مزید بتایا کہ مذکورہ نتائج ہماری ویب پر بھی دیکھے جاسکتے ہیں۔