اعلیٰ ثانوی تعلیمی بورڈ کراچی نے اعلان کیا ہے کہ انٹر کے سالانہ امتحانات
برائے 2016ء کے پہلے مرحلے کا آغاز منگل 28 اپریل 2016ء سے ہورہا ہے جو
19مئی 2016ء تک جاری رہے گا، پہلے مرحلے کے امتحانات میں سائنس پری
انجینئرنگ، پری میڈیکل، سائنس جنرل، کامرس ریگولر ،کامرس پرائیویٹ ، ہوم
اکنامکس اور میڈیکل ٹیکنالوجی کے پرچے لئے جائیں گے ۔سائنس پری انجینئرنگ،
پری میڈیکل، سائنس جنرل ، ہوم اکنامکس اور میڈیکل ٹیکنالوجی کے پرچے صبح
ساڑھے نو سے ساڑھے بارہ بجے تک جبکہ کامرس ریگولر اور کامرس پرائیویٹ کے
پرچے دوپہر ڈھائی بجے سے ساڑھے پانچ بجے تک منعقد ہوں گے۔