کراچی۔ اعلیٰ ثانوی تعلیمی بورڈکراچی نے انٹرمیڈیٹ حصہ اوّل، حصہ دوم اور
حصہ اوّل و دوم باہم کے سالانہ امتحانات برائے 2016ء کے انعقاد کی تاریخ کا
اعلان کردیا ہے۔ تفصیلات کے مطابق 28اپریل سے 2016ء سے شروع ہونے والے
امتحانات کے پہلے فیز میں صبح کے وقت میں سائنس پری میڈیکل، پری انجینئرنگ،
سائنس جنرل، ہوم اکنامکس ، ایڈیشنل سبجیکٹس، امپروومنٹ آف گریڈز اور میڈیکل
ٹیکنالوجی کے امتحانات جبکہ دوپہر میں کامرس ریگولر اور کامرس پرائیویٹ کے
امتحانات منعقد ہوں گے۔ امتحانات کا دوسرا فیز پہلے فیز کے اختتام پر شروع
ہوگا جس میں دوپہر کے اوقات میں آرٹس ریگولر، آرٹس پرائیویٹ، ڈپلومہ ان
فزیکل ایجوکیشن اور خصوصی امیدواروں کے امتحانات لیے جائیں گے۔