اعلیٰ ثانوی تعلیمی بورڈ کراچی کے ناظم
امتحانات محمد عمران خان چشتی نے اعلان کیا ہے کہ انٹرمیڈیٹ گیارہویں جماعت
ہیومنیٹیز ریگولر، پرائیویٹ، ہوم اکنامکس اور اسپیشل ایجوکیشن گروپس کے
سالانہ امتحانات برائے 2015جو کہ 29اپریل 2015ء سے شروع ہوئے اور 16 مئی
2015ء کو اپنے مقررہ شیڈول کے مطابق اختتام پذیر ہوئے جس کے نتیجے کا اعلان
کل 02نومبر سہ پہر تین بجے کیا جائے گا-
ناظم امتحانات محمد عمران خان چشتی نے مزید بتایا کہ کامرس پرائیویٹ،
پریمیڈیکل، پری انجینئرنگ ، کامرس ریگولر کے نتائج کا اعلان بتدریج جلد
کردیا جائے گا۔ اُنہوں نے کہا کہ شعبہ امتحانات کا عملہ دن رات محنت کررہا
ہے اور ان نتائج کو پچھلے سالوں کی طرح اور کراچی انٹرمیڈیٹ بورڈ کی روایات
کو برقرار رکھتے ہوئے اپنے وقت پر اعلان کرنے کی کوششوں میں مصروفِ عمل ہے۔