کراچی۔ اعلیٰ ثانوی تعلیمی بورڈ کراچی کے ناظم
امتحانات محمد عمران خان چشتی نے انٹرمیڈیٹ کامرس ریگولر اور کامرس
پرائیویٹ گروپس کے سالانہ امتحانات برائے 2015ء کے اسکروٹنی فارم جمع کرانے
کی تاریخوں کا اعلان کردیا ہے۔
محمد عمران خان چشتی کے مطابق ان دونوں گروپس کے اسکروٹنی فارم متعلقہ
سیکشن سے ضروری تصدیق کے بعد بروز بدھ 21 اکتوبر 2015ء تک انٹربوڈ میں واقع
بینک برانچ میں جمع کرائے جاسکتے ہیں، تاریخ گزرنے کے بعد اسکروٹنی فارم
قابل قبول نہیں ہوں گے۔ محمد عمران خان چشتی نے مزید بتایا کہ انٹرمیڈیٹ
کامرس ریگولر اور پرائیویٹ گروپس کے ریگولر امیدواروں کی مارکس شیٹس کالجوں
کو روانہ کردی گئی ہیں ، ریگولر طلباء اپنے کالجوں سے مارکس شیٹس حاصل
کرسکتے ہیں جبکہ پرائیویٹ امیدواروں کی مارکس شیٹس ان کی جانب سے دیئے گئے
پتوں پر روانہ کردی گئی ہیں۔