ثانوی تعلیمی بورڈ کراچی کے ناظم امتحانات نعمان احسن کے اعلامیہ کے مطابق لیفٹ اوور، امپرومنٹ آف گریڈ، ایڈیشنل پیپرز، دس پرچوں اور دوسرے تعلیمی بورڈوں سے آئے ہوئے اور فیل شدہ امیدواروں جماعت نہم و دہم سائنس و جنرل گروپ (ر یگولر وپرائیویٹ )کے عملی امتحانات برائے سالانہ امتحان ۲۰۱۵ ۲۵مئی ۲۰۱۵ سے ۶ جون ۲۰۱۵ تک منعقد ہوں گے۔ جس میں تقریبا ً 5000امیدوار فزکس، کیمسٹری، بیالوجی، کمپیوٹر اسٹڈیز ، غذا و تعذیہ، ملبوسات و پارچہ بافی اور بریل میں شرکت کریں گے۔ جن کے عملی امتحانات کا پروگرام امیدواروں کے فراہم کردہ رہائشی پتوں پر ارسال کردیا گیا ہے۔ جن امیدواروں کو عملی امتحانات کا پروگرام موصول نہ ہوا ہو وہ فوری طور پر بورڈ ہذا کے پریکٹیکل سیکشن کمرہ نمبر ۴۸سے صبح ۳۰:۹ سے شام ۵ بجے تک اپنے ایڈمٹ کارڈ دکھا کر حاصل کر سکتے ہیں۔