جامعہ کراچی کے ڈائریکٹر ایڈمیشن پروفیسر ڈاکٹر خالد عراقی کے مطابق ایوننگ پروگرام میں ماسٹراور ڈپلومہ پروگرام (2014-15 ء ) کی داخلہ فہرست جاری کردی گئی ہے۔جاری کردہ داخلہ فہرست میں جن امیدواروں کے نام آچکے ہیں وہ اپنی داخلہ فیس 15 تا22 اگست 2014 ء ڈین فیکلٹی آف آرٹس کے کونسل روم میں دوپہرساڑھے تین تاشام ساڑھے سات بجے تک جمع کراسکتے ہیں۔علاوہ ازیں ایسے طلبہ وطالبات جوجاری کردہ داخلہ فہرست سے مطمئن نہیں ہیں وہ 15 تا22 اگست 2014 ء تک یونیورسٹی میں واقع یوبی ایل کیمپس برانچ سے 500/= روپے کے عوض کلیم فارم حاصل/ جمع کراسکتے ہیں۔واضح رہے کہ قابل جوازکلیم فارم کی حتمی فہرست 25 اگست 2014 ء کو جاری کردی جائے گی۔جبکہ تدریس کا آغاز بھی 25 اگست سے ہوگا۔