یوں تو اگر کوئی سنجیدہ مسئلہ ہو تو فوری طور پر ڈاکٹر کو دکھا لینا ہی بہتر ہوتا ہے لیکن اکثر گھر میں برتن وغیرہ زیادہ دھونے کی وجہ سے ناخنوں میں وقتی انفیکشن ہوجاتا ہے جسے گھر میں بھی کم کیا جاسکتا ہے۔ اس آرٹیکل میں آپ کو اس مسئلے کے حل کے لئے کچھ آسان طریقے بتائے جارہے ہیں۔
سفید سرکہ چونکہ اینٹی فنگل خصوصیات رکھتا ہے اس لئے اس میں کچھ دیر انگلیوں کو ڈبو کر رکھنا فائدہ مند ثابت ہوتا ہے۔ یہ ناخنوں سے فنگس کم کرتا ہے۔ اس کے لئے پانی کے ساتھ ہم وزن سرکہ ملا کر 20 منٹ تک انگلیاں اس محلول میں ڈبو کر رکھیں۔
اینٹی فنگل اور اینٹی بیکٹریل لہسن بھی انفیکشن دور کرنے میں کارآمد ہے لہسن کا جوا چھیل کر ناخنوں پر ملیں اور کچھ دیر کے لئے یونہی چھوڑ دیں۔
بیکنگ سوڈا اور پانی کو ملا کر پیسٹ بنائیں اور اس کو ناخنوں پر لگائیں 15 منٹ بعد ہاتھ دھو لیں۔
ٹی ٹری آئل، پودینے کا تیل اور پیپرمنٹ کا تیل بھی اینٹی فنگل خواص رکھتے ہیں۔ ان کو روئی کے ذریعے ناخنوں پر دن میں 2 سے 3 بار لگائیں۔