جیسے ہی سبز چائے کے بے شمار فوائد جدید دنیا کے سامنے آئے، اس نے صحت اور تندرستی کے میدان میں کافی مقبولیت حاصل کی۔ یہ قدیم مشروب، جس کی جڑیں ایشیائی ثقافت میں گہری ہیں، چائے کے صحت مند متبادل کے طور پر قابل قدر ہیں اور اب سبز چائے ہمارے روزمرہ کے معمولات کا حصہ بن گئی ہے۔

لیکن آپ کو معلوم ہونا چاہیے کہ آپ سبز چائے کے بہترین فوائد صرف اسی صورت میں حاصل کر سکتے ہیں جب آپ اسے صحیح طریقے سے استعمال کریں۔ یہاں ہم ان 6 عام غلطیوں کی نشاندہی کریں گے جو کہ اکثر لوگ کرتے ہیں۔

خالی پیٹ پینا:

اکثر لوگ اپنی صبح کا آغاز سبز چائے سے کرتے ہیں، یہ سوچتے ہوئے کہ یہ کےان لیے صحت مند ہے، جبکہ ایسا نہیں ہے۔ سبز چائے میں ٹیننز ہوتے ہیں جو پیٹ کی تیزابیت کو بڑھا سکتے ہیں، اور پیٹ میں تکلیف یا متلی کا باعث بنتے ہیں۔ اس لیے بہتر ہے کہ سبز چائے پینے سے پہلے کچھ کھا لیں تاکہ ہاضمے کے مسائل سے بچا جا سکے۔

ضرورت سے زیادہ مقدار میں پینا:

یہ سچ ہے کہ سبز چائے صحت کے بے شمار فوائد پیش کرتی ہے لیکن ضرورت سے زیادہ کچھ بھی ہمارے لیے اچھا نہیں ہے۔ بہت زیادہ سبز چائے پینا بے خوابی، بے چینی اور ہاضمے کے مسائل کا باعث بن سکتا ہے۔ ماہر غذائیت روزانہ صرف 2 کپ تک گرین ٹی پینے کا مشورہ دیتے ہیں۔

رات کو پینا:

سبز چائے صحت مند ہوسکتی ہے لیکن اس میں کیفین بھی موجود ہے۔ اور اگر یہ سونے کے وقت پی جائے جائے تو یہ آپ کی نیند میں مداخلت کر سکتا ہے۔ لہذا، سونے سے کم از کم 2-3 گھنٹے پہلے سبز چائے پینے سے گریز کریں۔

کھانے کے فوراً بعد پینا:

کھانے کے فوراً بعد سبز چائے پینا کھانے سے آئرن کے جذب میں مداخلت کر سکتا ہے، جو وقت کے ساتھ ساتھ خون کی کمی کا باعث بن سکتا ہے۔ ماہر غذائیت کھانے کے بعد کم از کم ایک گھنٹہ انتظار کرنے کے بعد سبز چائے پینے کا مشورہ دیتے ہیں۔

ابلتے ہوئے پانی میں ڈال کر پینا:

یہ آپ کے لیے حیران کن ہو سکتا ہے۔ ہم سب سبز چائے کو ابلتے پانی یا صرف ابلے ہوئے پانی میں ڈالتے ہیں۔ ابلتے ہوئے پانی کا استعمال سبز چائے میں موجود فائدہ مند مرکبات کو ختم کر سکتا ہے جس کے نتیجے میں ذائقہ کڑوا ہو جاتا ہے۔ مثال کے طور پر، آپ پہلے پانی کو ابلنے دیں اور اس کا درجہ حرارت 80-85 ڈگری سینٹی گریڈ تک نیچے آنے دیں پھر سبز جائے شامل کریں۔