اکثر طبی ماہرین چاول کھانے سے منع کرتے ہیں لیکن اس کے باوجود لوگ شوق سے چاول کھاتے ہیں اور کچھ لوگ تو ایک بار بناکر فریج میں رکھنے کے بعد بار بار ان چاولوں کا لطف اٹھاتے ہیں لیکن طبی ماہرین کا کہنا ہے کہ بچے ہوئے چاولوں کو فریج میں رکھ کر کھانا خطرناک ہوسکتا ہے۔
طبی ماہرین کا کہنا ہےکہ کچے چاولوں میں پہلے سے فوڈ پوائزننگ کے جراثیم موجود ہوتے ہیں جن میں پکنے کے بعد مزید اضافہ ہوجاتا ہے۔
ماہرین کہتے ہیں کہ چاولوں کو تازہ بنا کر کھانا ہی زیادہ بہتر ہے جب کہ یہ غذایت حاصل کرنے کا اہم ذریعہ بھی ہیں تاہم بچ جانے والوں چاولوں کو فریج میں رکھنے کے بعد کھانے سے لوگ فوڈ پوائزننگ کا شکار ہوسکتے ہیں۔
ماہرین کے مطابق چاولوں کو دوبارہ گرم کیا جائے تو اس میں کوئی خاص خطرے والی بات نہیں مگر انھیں پہلی بار پکانے کے بعد کس طرح محفوظ کیا جاتا ہے یہ اہمیت کا حامل ہے، چاول جتنا زیادہ معمول کے درجہ حرارت پر بنتے ہیں وہ صحت کےلیے اتنے ہی نقصان دہ ہو جاتے ہیں۔
ضروری ہے کہ ساری رات چاولوں کو پانی میں بھگانے کے بعد پکایا جائے کیونکہ اس سے آرسینک کی 80 فیصد مقدار کم ہو جاتی ہے اور صرف اتنی مقدار رہ جاتی ہے جو صحت کے لیے زیادہ مہلک نہیں ہوتی۔
اب اگر آپ بھی چاولوں کے شوقین ہیں تو ان ہدایات پر ضرور عمل کریں تاکہ آپ فوڈ پوائزننگ سے محفوظ رہ سکیں۔