صفائی نصف ایمان ہے ۔۔۔ یہ بات صرف نہانے دھونے اور صاف کپڑے پہننے کی حد تک محدود نہیں ہے، بلکہ اس سے مراد اپنے ارد گرد موجود ہر چیز کی صفائی کا خیال رکھنا خواں وہ آپ کی نظر میں کتنی ہی معمولی کیوں نہ ہو آپ نے اسے صاف رکھنا ہے۔
اب جیسے کہ بستر کی چادر کو ہی لے لیں۔۔ عموماً لوگ پورا دن کام کاج میں گزارنے کے بعد رات کو بستر میں لیٹ کر سوجاتے ہیں، اور اسے ہفتوں بدلنے کے بارے میں سوچتے بھی نہیں ہیں۔
لیکں کیا آپ جانتے ہیں اسے تبدیل کرنا کتنا ضروری ہے اور اسے کتنے دن بعد بدلنا چاہیے؟
بستر کی چادر کتنے دن بعد بدل لینی چاہیئے؟
آپ کو اپنے بستر کی چادریں ہفتے میں ایک بار تبدیل کرنی چاہئیں۔ کیونکہ آپ ہر رات بستر پر گھنٹوں گزارتے ہیں جس سے آپ کی چادر پر جلد کے خلیات اور جسمانی تیل کی ایک قسم جمع ہوجاتی ہے۔ پھر دھول مٹی کے ذرات، اور اگر آپ کے پاس بلی یا کتے جیسے پالتو جانور ہیں تو ان کے بال ہیں وغیرہ، یہ سب مل کر آپ کو مختلف بیماریوں میں مبتلا کرسکتے ہیں
طبی ماہرین کیا کہتے ہیں؟
طبی ماہرین کبھی بستر کی چادر ہر ہفتے بدلنے کا مشورہ دیتے ہیں۔ کیونکہ ایک ہفتے کے اندر چادر پر فضلے کے اجزا، پولن، مردہ انسانی خلیات اور ڈسٹ مائٹس سمیت ایسا بہت کچھ جمع ہو جاتا ہے جو ہماری آنکھوں کو نظر نہیں آتا۔
اگر ہر ہفتے چادر نہ بدلی جائے تو؟
ڈرماٹولوجسٹ کے مطابق، اگر بستر کی چادر کو ہر ہفتے نہ بدلا جائے تو انفیکشن کا خطرہ بڑھ جاتا ہے، خاص طور پر پیشاب کی نالی کا انفیکشن اور سوزش، جِلد کا انفیکشن اور نمونیا کا خطرہ۔ ساتھ ہی کیل مہاسوں اور جِلد کے دیگر مسائل کا سامنا بھی کرنا پڑ سکتا ہے۔
اور اگر آپ دمے کے مریض ہیں تو آپ کو بستر کی چادر ہر 3 سے 4 دن میں بدل لینی چاہیے۔