انار کھانے کے بے شمار فائدے دنیا میں پائے جانے والے چند بہترین صحت مند پھلوں میں انار ایک پھل ہے ۔ یہ ایک گول سخت اور چمکدار لال پیلا پھل ہے جو کہ صحت مند ہونے کے ساتھ ساتھ بہت ہی مزیدار بھی ہوتا ہے ۔ انار کے بے شمار فوائد ہیں ۔ اس میں اینٹی آکسیڈنٹس اور اینٹی ٹیومر خصوصیات موجود ہیں جو کہ وٹامن اے ، سی اور ای کا بہت بڑا ذریعہ ہیں ۔ا س میں فولک ایسڈ بھی موجود ہے ۔ اس بہترین پھل میں سبز چائے سے تین گنا زیادہ اینٹی آکسیڈنٹس پائے جاتے ہیں ۔
انار کے چند فوائد درج ذیل ہیں
معدے کی بیماری ختم کرے
انار کے چھلکے اور پتوں میں معدے کی بیماری ختم کرنے کی طاقت ہوتی ہے جیسے کہ ڈائیریا یا اس کے علاوہ ہاضمے کی شکایات وغیرہ ۔
دانتوں کی حفاظت
انار میں موجود اینٹی وائرل اور اینٹی بیکٹیریل خصوصات اسے منہ کی صحت کے لیے بہت مفید بناتی ہیں ۔ یہ دانتوں پر موجود گندگی کو بڑھنے سے روکتا ہے اور دیگر منہ کی بیماریوں سے بھی محفوظ رکھتا ہے ۔
انیمیا کے لیے بہترین
جسم میں خون کی روانی بڑھانے میں بھی انار بہت مددگار ثابت ہوتا ہے ۔ انار خون میں آئرن کی مقدار بڑھاتا ہے جو کہ دل کے لیے بہت اچھا ہے ۔ اس کے علاوہ یہ انیمیا کا بہترین علاج ہے ۔ سستی ، کمزوری ، نیند اور اس طرح کی کئی بیماریوں میں بھی مفید ہے۔
یاداشت بڑھائے
ایک تحقیق سے ثابت ہوا ہے کہ انار کا روزانہ پانچ اونس استعمال 28سال سے زائد عمر کے افراد کی یاداشت بڑھانے میں انتہائی مفید ہے ۔
شوگر کنٹرول کرے
شوگر کے مریضوں کے لیے روزانہ انار کا جوس بہت مفید ہے کیونکہ یہ خون کو صاف کرتا ہے ۔ اس پھل کے اندر وافر مقدار میں اینٹی آکسیڈنٹس پائے جاتے ہیں جیسے کے polyphenols۔انار میں کاربو ہائیڈریٹس پائے جاتے ہیں لیکن اس کے باوجود اس پھل کو کھانے سے بلد شوگر لیول نہیں بڑھتا ۔