کیسے لٹا یہ شہرِ وفا

 کیسے لُٹا یہ شہرِ وفا ۔۔۔۔۔۔۔۔۔۔۔۔۔کچھ نہ پوچھئے
کس کس نے کی ہے ہم سے جفا۔۔۔۔ کچھ نہ پو چھئے

چھیناہے کس نے پھول سے ۔چہروں کا رنگ و روپ
کیا کہہ رہی ہے بادِ صبا ۔۔۔۔۔۔۔۔۔۔کچھ نہ پوچھئے

لوٹے ہیں کس نے شہر میں۔۔ خوشیوں کے قافلے
آئی کہاں سے موجِ بلا ۔۔۔۔۔۔۔۔۔کچھ نہ پوچھئے

اِس پھول جیسے شہر کی۔۔۔۔۔۔۔۔ خوشبُو کا کیا ہوا
لے کر گیا ہے کون چُرا۔۔۔۔۔۔۔۔۔کچھ نہ پوچھئے

جب راہبرہی لوُٹنے کی ٹھان لیں۔۔۔۔۔۔۔ تو پھر
پھر ہے ہمارا کون بھلا ۔۔۔۔۔۔۔۔۔۔کچھ نہ پوچھئے

آنکھوں کی نیند دل کا سکوں چھِن گیا۔۔۔۔۔ تمام
کس نے مرا یہ حال کیا ۔۔۔۔۔۔۔ک۔چھ نہ پوچھئے

آیا ہے کون درد کی وادی میں۔۔۔۔۔۔۔۔۔ دیکھنا
کیوں ہو رہا ہے حشر بپا ۔۔۔۔۔۔۔۔۔کچھ نہ پوچھئے

آتا ہے حرف اُن کی عدالت پہ ۔۔۔۔دوستو
کس جُرم کی ملی ہے سزا ۔۔۔۔۔۔۔۔کچھ نہ پوچھئے

سُرخی ہے کس کے خون کی۔۔ کچھ تو کہیں حضور
اِک مہرباں نے مجھ سے کہا ۔۔۔۔کچھ نہ پوچھئے

سب جانتے ہیں قاتل و مقتول۔۔۔۔ ۔کون ہیں
پر آ رہی ہے ایک صدا ۔۔۔۔۔۔۔کچھ نہ پوچھئے

چمکا رہے ہیں لوگ ابھی تک۔۔۔۔۔ ۔سیاستیں
دیکھو تو کتنا خون بہا ۔۔۔۔۔۔۔۔۔کچھ نہ پوچھئے

سب کے دیے تَو بجھ گئے ۔۔۔ ۔۔اپنےشہر میں
کیوں جل رہا ہے ایک دیا ۔۔۔۔۔کچھ نہ پوچھئے

کس کس کا خوف ہم پہ مسلّط نہیں۔۔۔۔ ۔رہا
کیوں کر نہیں ہے خوفِ خُدا ۔۔۔کچھ نہ پوچھئے

نفرت کی آگ کھا گئی کتنی ہی ۔۔۔۔۔بستیاں
پھر ظلم کی چلی جو ہوا ۔۔۔۔۔۔۔کچھ نہ پوچھئے

اب رو رہیں ہیں ظالم و مظلوم ۔۔۔۔۔بیٹھ کر
گزری ہے جو بھی بہرِ خدا۔۔۔۔کچھ نہ پوچھئے

اِس سے تو موت ہی کہیں بہتر تھی اے حضور
غیرت کا جب جنازہ اُٹھا ۔۔۔۔۔۔کچھ نہ پوچھئے

بیٹھا ہے کون زخموں کی چادر ۔۔۔۔لئے ہؤے
گل کر رہے ہیں چاک قبا ۔۔۔۔۔کچھ نہ پوچھئے

ہم نے تو ساری دنیا کو دینی تھی۔۔۔۔۔ روشنی
اپنا چراغ کیسے بُجھا ۔۔۔۔۔۔۔۔کچھ نہ پوچھئے

بارود کے ذخیرے پہ بیٹھے ہؤے۔۔۔ ہیں ہم
کب دے گا کوئی آگ لگا ۔۔کچھ نہ پوچھئے

جاناں فلک میں ڈوبتے تاروں کے ساتھ ساتھ
اب کے تو دل بھی ڈوب گیا۔۔۔کچھ نہ پوچھئے

اُس شوخ نے اُ چٹتی ہوئی اِک۔۔۔ نگاہ سے
کیا کیا نہ ہم کو ُلوٹ لیا ۔۔۔۔۔کچھ نہ پوچھئے

آیا ہے اب کہ موسمِ گل ہجر می۔۔۔۔ وسیم
کیا کیا یہاں پہ گل نہ کھلا ۔۔۔۔کچھ نہ پوچھئے