کبھی ایسا بھی ہوتا ہے
Poet: UA By: UA, Lahoreکبھی ایسا بھی ہوتا ہے
کبھی ایسا بھی ہوتا ہے
گھٹن جب حد سے بڑھتی ہے
ہوائیں رخ بدلتی ہیں اچانک رت بدلتی ہے
کسی معصوم دل کی حسرتیں جب ٹوٹ جاتی ہیں
تو پھر ٹوٹی ہوئی کرچی میں اک تصویر بنتی ہے
پھر اس تصویر کے ہونٹوں پہ فریادیں مچلتی ہیں
یہی فریاد اس دل سے دعا بن کر نکلتی ہے
یہ سچ ہے جو صدا دل سے دعا بن کر نکلتی ہے
یہی تو وہ دعا ہے جو ہوا کا رخ بدلتی ہے
یہی تو وہ صدا ہے جو زمانے کو بدلتی ہے
دعائیں رقص کرتی ہیں صدائیں رقص کرتی ہیں
کبھی ایسا بھی ہوتا ہے
گھٹن جب حد سے بڑھتی ہے
ہوائیں رخ بدلتی ہیں اچانک رت بدلتی ہے
Rate it: 
Views: 779
03 Nov, 2009
More Sad Poetry
