پیار الفت نبھانا نہیں جانتے

پیار الفت نبھانا نہیں جانتے
دست الفت بڑھانا نہیں جانتے

آؤ مل کر تجارت کریں دوستو
یار پیسہ کمانا نہیں جانتے

خوبصورت حسیں ہے نظارہ ابھی
آیا موسم سہانا نہیں جانتے

پیار کرتے بہت ہیں وہ ہم سے مگر
حال دل وہ بتانا نہیں جانتے

یاد کرتے ہیں باتیں پرانی ابھی
وہ یہاں دل لگانا نہیں جانتے

روٹھنے کا سبب تو بتاؤ ہمیں
مان جاؤ منانا نہیں جانتے

ذوق شہزاد ہے شاعری سے ہمیں
ہم تو گانا بجانا نہیں جانتے