غزل

 کبھی دامِ الفت سے بہل جائیں گے
کبھی فریبِ محبت سے بہل جائیں گے

کچھ عطا ہو یا نہ ہو ہم کو
اک نظرِ عنایت سے بہل جائیں گے

اے بزمِ حسن کسے معلوم کہ دل
محبت کی سیاست سے بہل جائیں گے

ہو یا نہ ہو شبِ وصل میسر ہم کو
تیری یاد کی قربت سے بہل جائیں گے

اس سے پہلے کہ واعظ حسنِ جنت سے بہلاۓ ہمیں
تیری زلفوں کی سیاحت سے بہل جائیں گے

ہم غم زدہ لوگ تیرے پہلو میں بیٹھ کر
پل دو پل کی الفت سے بہل جائیں گے

حوروں کے چکر میں کون پڑے کہ ہم تو
سرخ لب کی حلاوت سے بہل جائیں گے

!تیری جنت سے نکل کر اے میرے خدا
ہم خیالات کی جنت سے بہل جائیں گے

بہت قرینے سے لکھے ہیں اشعارِ گستاخ سبھی
شاید کہ وہ آزر میری حکمت سے بہل جائیں گے