خال لب آفت جاں تھا مجھے معلوم نہ تھا
Poet: بقا اللہ بقاؔ By: مصدق رفیق, Karachiخال لب آفت جاں تھا مجھے معلوم نہ تھا
دام دانے میں نہاں تھا مجھے معلوم نہ تھا
خواہش سود تھی سودے میں محبت کے ولے
سر بہ سر اس میں زیاں تھا مجھے معلوم نہ تھا
باتوں باتوں میں مرے سر کو کٹا دے گا رقیب
اس قدر سیف زباں تھا مجھے معلوم نہ تھا
میں تو آیا تھا بقاؔ باغ میں سن جوش بہار
پر یہ ہنگام خزاں تھا مجھے معلوم نہ تھا
Rate it: 
Views: 122
20 May, 2025
More Sad Poetry
