Afsos Mat Karo

Woh Apny Ghar Chala Gaya Afsos Mat Karo
Itna Hi Uska Saath Tha Afsos Mat Karo

Insaan Apny Aap Mein Majbur Hy Buhat
Koi Nahein Hy Be-Wafa Afsos Mat Karo

Dunya Mein Aur Chahny Waly Bhi Hain Buhat
Jo Hona Tha So Ho Gaya Afsos Mat Karo

Iss Zindgi K Mujh Peh Kai Qarz Hain Magar
Main Jald Lot Aaon Ga Afsos Mat Karo

Yeh Dekho Phir Se Aa Gaein Pholo Peh Titliyan
Ik Roz Woh Bhi Aaey Ga Afsos Mat Karo

Woh Tum Se Aaj Door Hy Kal Pass Aaey Ga
Phir Se KHUDA Milaey Ga Afsos Mat Karo