کون ہے کیا ہے کیسا ہے

مت چھیڑو ہے اک دیوانہ کون ہے کیا ہے کیسا ہے
ہوش و خرد سے ہے بیگانہ کون ہے کیا ہے کیسا ہے

روتے روتے خود ہی اکثر کھل کے ہسنے لگتا ہے
شمع ہے خود ہی خود پروانہ کون ہے کیا ہے کیسا ہے

چرچے اس کے جوش و جنوں کے خاص و عام میں ہیں مشہور
بستی ہو یا ویرانہ کون ہے کیا ہے کیسا ہے

کچھ نے کہا ہے عشق کا مارا کچھ نے کہا مجذوب ہے یہ
کتنی حقیقت کتنا فسانہ کون ہے کیا ہے کیسا ہے

صورت اس کی دیکھنے والو واعظ سے کچھ کم بھی نہیں
لیکن مشرب رندانہ کون ہے کیا ہےکیسا ہے

گرچہ تبسم ہے چہرے پر روح کے اندر ویرانی
حسرت و غم کا کاشانہ کون ہے کیا ہے کیسا ہے

اخؔتر پر جو گزری ہے وہ سب سے چھپا کے رکھتا ہے
کر کے اپنے دل کا بہانہ کون ہے کیا ہے کیسا ہے