وہ درد تم نے دیا ہے کہ بے قرار چلے
Poet: بدیع الزماں سحر By: مصدق رفیق, Karachiوہ درد تم نے دیا ہے کہ بے قرار چلے
یہی ہے عشق تو ہم ہائے دل پکار چلے
وہ ایک لغزش تشخیص چارہ گر تیری
ہمیں تو ایسا لگا زندگی گزار چلے
ہر ایک پھول نگاہ خزاں کی زد میں ہے
تو کس طرح سے بہاروں کا کاروبار چلے
ہو عندلیب کو شکوہ نہ خار و گل کو گلے
بصد خلوص اگر باد نوبہار چلے
بچے گی کس طرح تقدیس میکدہ ساقی
جو تیری بزم سے تشنہ یہ مےگسار چلے
خدا کی یاد میں غافل نہ شیخ خلق سے ہو
کبھی کبھی تو مصلے پہ ذکر یار چلے
وہی ہے فاتح اعظم جہان دل کا سحرؔ
بساط شوق پہ بازی جو دل کی ہار چلے
Rate it: 
Views: 367
24 Jun, 2025
More Love / Romantic Poetry
وہ پھول اپنی کتابوں میں رکھ کے بھول گیا وہ پھول اپنی کتابوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
میں اس کے نام کو باتوں میں رکھ کے بھول گیا
وہ ایک خواب جو آنکھوں میں پل رہا تھا کبھی
میں اس کو بند دریچوں میں رکھ کے بھول گیا
تری یادوں کے چراغوں کی روشنی لے کر
میں رات بھر کئی خوابوں میں رکھ کے بھول گیا
تری نگاہ کے نشّے کا کیا کروں آخر
میں دل کو تیری شرابوں میں رکھ کے بھول گیا
بتاؤ ان تری یادوں کا سلسلہ کیا ہے
میں اپنے آپ کو باتوں میں رکھ کے بھول گیا
وہ ایک خط جو محبت کی داستاں تھا کبھی
میں اس کو اپنی کتابوں میں رکھ کے بھول گیا
چھپائے رکھا تھا شہزاد دل میں مدت سے
میں اس کا ذکر بھی باتوں میں رکھ کے بھول گیا
Ab shahzad
