وزیراعلیٰ خیبر پختونخوا نے اسپیشل برانچ کو باقاعدہ اسپیشلائزڈ یونٹ/علیحدہ کیڈر کے طور پر قائم کرنے کی منظوری دے دی۔
وزیر اعلیٰ خیبر پختونخوا محمد سہیل آفریدی کی زیرِ صدارت پولیس کے اسپیشل برانچ سے متعلق اہم اجلاس منعقد ہوا جس میں وزیراعلیٰ نے اسپیشل برانچ کو درکار تمام ہیومن ریسورس اور دیگر وسائل ترجیحی بنیادوں پر فراہم ی کرنے کا اعلان کردیا۔
اجلاس میں اسپیشل برانچ میں 1221 اہلکاروں کی اسامیاں تخیلق کرنے کی اصولی منظوری دی گئی، وزیر اعلیٰ نے انفراسٹرکچر کے لیے 1820 ملین اور موٹر وہیکلز کے لیے 904.7 ملین روپے بھی منظور کیے، اسپیشل برانچ کو درکار 98 گاڑیاں اور 404 موٹر سائیکلیں ترجیحی بنیادوں پر فراہم کی جائیں گی، ٹیکنیکل آلات اور ٹیکنالوجی کی خریداری کے لیے 2543.9 ملین روپے فراہم کیے جائیں گے، اسپیشل برانچ کو انٹیلیجنس اور انسدادِ دہشتگردی کے تقاضوں کے مطابق جدید خطوط پر استوار کیا جائے گا۔
وزیراعلیٰ نے اسپیشل برانچ کے مجوزہ الاؤنسز کو ترجیحی بنیادوں پر منظوری کے لیے پیش کرنے کی ہدایت کی، صوبے بھر میں اسپیشل برانچ کے لیے نئی عمارتوں کے قیام کی بھی منظوری بھی دے دی گئی۔
اس موقع پر وزیراعلیٰ کو اسپیشل برانچ کے حوالے سے بریفنگ بھی دی گئی جس میں اسپیشل برانچ کے اہلکار انٹیلیجنس، سیکیورٹی، ویریفیکیشن، سروے اور سرویلنس کی ذمہ داریاں سرانجام دے رہے ہیں، ضم شدہ قبائلی اضلاع کے 308 اہلکاروں کو بھی اسپیشل برانچ کا حصہ بنایا گیا ہے۔
یاد رہے کہ سال 2025 میں اسپیشل برانچ نے 2 خودکش جیکٹس، 32 آئی ای ڈیز، 70 راکٹ شیلز اور 288 ہینڈ گرینیڈز ناکارہ بنائے، گزشتہ سال اسپیشل برانچ نے 635 سیاسی اجتماعات کی سیکیورٹی اور اسلحہ و ایکسپلوسِو لائسنس کی ویریفیکیشن کی، 3124 نادرا ویریفیکیشنز، 6840 پاسپورٹ، 14518 سی پیک، 6060 پرسنل اور 9413 سرکاری اہلکاروں کی ویریفیکیشنز بھی انجام دی گئیں۔