مسلم لیگ کے رہنما اور وفاقی وزیر برائے سرمایہ کاری قیصر احمد شیخ نے اداروں کی نجکاری میں پیپلز پارٹی کو رکاوٹ قرار دے دیا۔
قیصر احمد شیخ نے کہا کہ پیپلز پارٹی سے نجکاری کے معاملے پر مذاکرات ہوتے رہتے ہیں، ان کا کہنا تھا کہ اس کو ناراض کرنے سے ہماری حکومت نہیں رہ پائے گی۔
وفاقی وزیر نے تقریب سے خطاب میں کہا کہ پاکستان پیپلز پارٹی سرکاری اداروں کی نجکاری کے خلاف ہے، اس کی وجہ سے نجکاری کا عمل آگے نہیں بڑھ پا رہا۔
قیصر احمد شیخ نے کہا کہ پیپلز پارٹی کا نجکاری کے خلاف منشور ہے، یہ کوئی نئی بات نہیں، لیکن مسلم لیگ (ن) کی ہمیشہ سے پرائیویٹائزشن کی پالیسی رہی ہے۔