انسداد دہشتگردی عدالت نے چار اکتوبر کے احتجاج کیس میں بانی پی ٹی آئی کی بہنوں علیمہ خان اور عظمیٰ خان کے وارنٹ گرفتاری جاری کر دیے ہیں۔
تفصیلات کے مطابق اسلام آباد کی انسداد دہشتگردی عدالت کے جج طاہر عباس سپرا نے کیس کی سماعت کے دوران علیمہ اور عظمیٰ خان کی مسلسل عدم پیشی پر وارنٹ جاری کیے اور پولیس کو حکم دیا کہ دونوں کو گرفتار کرکے عدالت میں پیش کیا جائے۔
عدالت نے کیس کی مزید سماعت 22 نومبر تک ملتوی کر دی۔ خیال رہے کہ علیمہ خان اور عظمیٰ خان کے خلاف تھانہ کوہسار میں مقدمہ درج ہے۔