کیا ہم حالتِ جنگ میں ہیں؟ ذمہ دار کون؟

جہاں پرائے تو دشمن ٹھہرے ہی ہوں وہیں اپنے بھی دشمن بن جائیں تو ایسی مظلوم قوم کا کیا حال ہوگا؟ آج ہر طرف ملک میں خوف و ہراس کی فضاﺀ قائم ہے- جہاں عوام کو سیکورٹی مہیا کرنے والے خود اپنی حفاظت سے قاصر ہوں٬ معصوم طلباﺀ اپنی تعلیم گاہوں میں نشانہ بنائے جا رہے ہوں٬ جہاں نومولود بچے بھی دہشت گردی کا نشانہ بن رہے ہوں٬ ایسے ملک کی عوام کس کرب میں زندگی گزار رہے ہونگے اندازہ لگانا مشکل نہیں ہے-

مگر ان سارے حالات کا ذمہ دار کون؟ امریکہ جو افغانستان میں شکست سے دوچار ہے٬ طالبان اور اس کے حامی جو حکومتی فیصلوں کا غصہ عوام پر نکال رہے ہیں یا ہمارے کم فہم لیڈران جن کے غلط فیصلوں کی بدولت عوام کو یہ دن دیکھنے پڑ رہے ہیں-