پھٹکری ایک ایسا باکمال پتھر ہے جو کئی مسئلوں سے نجات کے لئے کام آتا ہے ساتھ ہی اسے پانی کو صاف کرنے کے لئے ٹینک میں بھی ڈالا جاتا ہے، اس کے علاوہ اس کا پاؤڈر بنا کر بھی استعمال کیا جاتا ہے جس کے حیرت انگیز فوائد ہیں۔ مگراسے کیسے استعمال کرنا ہے؟ آیئے آج وومن کارنر آپ کو بتاتا ہے۔

ایک پھٹکری کے ٹکڑے کو ڈنڈے کی مدد سے کُوٹ لیں اس کے بعد اسے مکسر میں ڈال کر پیس لیں اور کسی خشک بوتل میں اس پاؤڈر کو ٹائٹ ڈھکن لگا کر محفوظ کرلیں۔

پھٹکری کے پاؤڈر کو کن مسائل میں کس طرح استعمال کریں؟

پیروں کی بدبو کیلیئے:

ایک ٹب یا نہانے کی بالٹی میں پانی بھر کر اس میں 1 چمچ پھٹکری کا پاؤڈر ڈالیں اور 10 سے 15 منٹ تک پاؤں بھگا کر بیٹھ جائیں۔ ہفتے میں 2 سے 3 بار اس عمل کو دہرائیں پیروں سے بدبو آنا بند ہوجائے گی۔

چہرے کے کھلے مسام کیلیئے:

عرقِ گلاب کی چھوٹی بوتل میں 1 چٹکی پھٹکری کا پاؤڈر ڈال کر مکس کریں اور اسے ٹونر کی طرح استعمال کریں، مسام سکھڑنا شروع ہوجائیں گے۔

بغلوں کی بدبو کیلیئے:

ایک چھوٹی اسپرے بوتل میں پانی بھر کر اس میں 1 سے 2 چٹکی جتنا پھٹکری کا پاؤڈر ڈال کر مکس کریں اور نہانے کے بعد بغلوں میں اسپرے کریں پسینے کی بدبو نہیں آئے گی۔

حلق میں خارش یا منہ میں زخم:

1 گلاس پانی میں ایک چٹکی پسی ہوئی پھٹکری شامل کر کے اس پانی سے اگر کلیاں کی جائیں تو منہ کا السر ختم ہو جاتا ہے اور دانے چھالے، زخم بھی سوکھ جاتا ہے۔ اور اس پانی کے چند گھونٹ پینے سے حلق کی خارش بھی ٹھیک ہوجاتی ہے