گرین ٹی تو آپ پیتے ہی رہتے ہیں اور یہ بھی جانتے ہوں گے کہ یہ وزن کم کرنے میں بڑی مدد دیتی ہے مگر کچھ لوگو بیچارے اپنے موٹاپے کے بارے میں اس قدر گہری سوچ رکھ
لیتے ہیں کہ جس چیز کا بتایا جائے کہ یہ وشن میں کمی لائے گی اس کو ڈھیروں ڈھیر پی جاتے ہیں جو کہ بعد میں ان کی صحت کے لیئے نقصان دہ ہوتی ہے۔
غذائی ماہرین کہتے ہیں کہ:
" گرین ٹی یقیناً آپ کا وزن کم کرنے میں مدد تو دیتی ہے لیکن یہ قیاس غلط ہے کہ یہ چربی پگھلاتی ہے اور وزن میں کمی پیدا کرتی ہے۔ بلکہ درحقیقت گرین ٹی آپ کا میٹا بولزم تیز
کرتی ہے اور جسم میں موجود فاضل مادوں کے اخراج کا اہم ذریعہ بنتی ہے۔"
لیکن یہ جان لیں کہ اس کا کس طرح اور کتنی مقدار میں استعمال کرنا آپ کے وزن میں کمی کا باعث بن سکتا ہے:
مقدار:
• دن میں کم از کم دو کپ اور زیادہ سے زیادہ چار کپ گرین ٹی آپ کے لیئے انتہائی فائدہ مند ہے۔ آپ چاہیں تو اس کی مقدار میں کمی کرلیں مگر ہر گز ۴ کپ سے زائد نہ پیئیں۔
طریقہ استعمال:
• طریقہ استعمال آپ جیسے قہوے کی شکل میں بنا کر پیتے ہیں ویسے ہی کریں بس ایک کپ گرین ٹی میں آدھا لیموں کا رس شامل کرلیں۔
• اس کو ناشتے، دوپہر کے کھانے یا رات کے کھانے کے فوری بعد ہر گز پینا چھوڑ دیں کیونکہ اس طرح آپ کے جسم میں کیلوریز اور فیٹ بڑھنے کے امکانات ہوتے ہیں.
• بہتر طریقہ استعمال یہ ہے کہ آپ اس کو ہر کھانے کے ایک گھنٹے کے بعد پیئیں، اس سے آپ کا میٹا بولزم بھی جلدی بڑھے گا اور کھانا ہاضمے میں بھی آئے گا۔
زیادہ گرین ٹی پینے کے نقصانات:
جو لوگ زیادہ گرین ٹی پیتے ہیں تو وہ اس کی زائد مقدار لینے کے ذرا نقصانات بھی جان لیں تاکہ اگلی دفعہ محتاط رہیں:
• اس کو زیادہ پیا جائے تو ڈی ہائیڈریشن ہوجاتی ہے۔
• گردے کے مسائل بڑھنے کا خدشہ ہوتا ہے۔
• گردے کی پتری جن لوگوں کو ہے وہ ہر گز اس کو ایک کپ سے زیادہ نہ پیئیں اس سے ان کی تکلیف بڑھ سکتی ہے۔
• جگر کے مسائل پیدا ہوسکتے ہیں۔