کورونا وائرس سے صرف بخار، کھانسی، نزلہ ہی نہیں ہوتا بلکہ زبان کا ذائقہ اور سونگھنے کی حس بھی بری طرح متاثر ہوجاتی ہے۔
لیکن ایسا کیوں ہوتا ہے؟ اس کی وجہ یہ ہے کہ کورونا سے ایک طرف جہاں پھیپھڑے متاثر ہوتے ہیں، سانس اکھڑنے لگتا ہے، اور سینے کی جکڑن بھی ہوجاتی ہے، اس عمل کے نتیجے میں وائرل وباؤں میں اکثر زبان کا ذائقہ بنانے والی پروٹین سے بھرپور غدود ذائل ہوجاتے ہیں اور یہی ایک وجہ ہے کہ جس سے نہ صرف کورونا بلکہ عام بخار میں بھی زبان کا ذائقہ یکسر ختم ہو کر رہ جاتا ہے۔
اور کم از کم پانچ دن کے بعد یہ صحیح ہوتا ہے، مگر کورونا کا حملہ 14 دن یا اس سے زیادہ کا ہوتا ہے، تو اس میں منہ کا ذائقہ بحال ہونے میں طویل وقت بھی لگ سکتا ہے۔
منہ کے ذائقے کو بحال کرنے کے لئے کیا کرنا چاہئیے؟
٭ آلو بخارے کا شربت پینا اس مسلئے کا عام اور سب سے بہترین حل ہے، کیونکہ اس میں ایسے انزائمز پائے جاتے ہیں جو کہ ذائقے کو درست بنانے میں کام آتے ہیں۔
٭ لیموں اور ادرک کے رس کو مکس کرکے پانی کے ساتھ پینے سے بھی ذائقہ اچھا ہوجاتا ہے۔
٭ موسمی پھلوں کا استعمال کریں، جو بھی پھل آپ کو مل رہا ہے بازار سے آپ اس کو کھائیں یا جوس کی طرح استعمال کریں کیونکہ کھانے سے زیادہ پینا اس تکلیف میں آپ کو فائدہ پہنچاتا ہے۔
٭ گرمی کے موسم میں گنے کا رس باآسانی مل رہا ہے، آپ اس کو استعمال کریں۔
٭ املی کا شربت کو پیئیں یا پھر اس کو زبان پر رکھ کر چوس لیں، جتنا رس اندر جائے گا آپ کی زبان کا ذائقہ بڑھنے لگے گا۔