بالی ووڈ کے لیجنڈری اداکار متھن چکرورتی نے اپنے کرئیر کے ابتدائی دنوں میں دل ٹوٹ جانے کا قصہ سنا دیا۔
حال ہی میں ایک رئیلٹی ٹی وی شو میں انھوں نے انکشاف کیا کہ، میرا دل اس وقت ٹوٹ گیا تھا جب میری گرل فرینڈ نے برے وقت میں میرا ساتھ چھوڑ دیا تھا۔
ایک کنٹیسٹنٹ کی پریم کہانی سن کر متھن کو بھی اپنے ماضی کے واقعے کی یاد آگئی، انہوں نے بتایا کہ میرے ساتھ بھی کچھ ایسا ہی ہوا تھا، میں ایک لڑکی سے عشق کر بیٹھا اور اسلے لیئے پاگل ہوگیا تھا۔ لیکن پھر ایک دن وہی ہوا جس کا ڈر تھا، وہ لڑکی مجھے چھوڑ کر چلی گئی۔
اسکے جانے سے میرا دل ضرور ٹوٹا لیکن میں محنت کرتا رہا، اور پھر وقت بدلا، میں اسٹار سے سپر اسٹار بن گیا۔
اور ایک دن، کئی سال بعد وہ لڑکی مجھے ایک جہاز میں ملی لیکن وہ مجھ سے نظریں نہیں ملا پارہی تھی، میں اٹھا اور اسکے پاس گیا اور پوچھا کہ نظر کیوں چُرا رہی ہو؟ اس نے چہرہ پھیر لیا، میں سمجھ گیا کہ اسے اپنی غلطی کا احساس ہوگیا۔ تو میں نے اسکی شرمندگی ختم کرنے کے لیے اس سے کہا کہ، جو تم نے اس وقت میرے ساتھ کیا وہ درست تھا۔
متھن نے آگے بتایا کہ، میری باتوں سے اس لڑکی کی شرمندگی کم ہوئی۔ اور پھر وہ میرے سامنے پھوٹ پھوٹ کر رونے لگی اور کہا میں نے آپ کو چھوڑ کر بہت بڑی غلطی کی۔ جس پر میں نے اسے جواب دیا کہ، اگر تم اس وقت ایسا نہ کرتیں تو شاید میں آج لیجنڈری سپر اسٹار نہ بن پاتا۔