شیمپو کے بعد کنڈیشنر استعمال کرتے ہیں تو کیمیکل سے پاک کنڈیشنرز کا استعمال کریں تاکہ بالوں کو وقتی فائدے سے بچا کر مکمل مستقل فائدہ پہنچایا جاسکے اور بالوں کو قدرتی طور پر مضبوط بنایا جائے۔
جانیں کیسے گھر میں ہی آپ بالکل کیمیکل سے پاک کنڈیشنر تیار کرسکتی ہیں۔
ٹپس:
٭ ایک کپ سادہ قہوہ بنا کر اس کو ہلکا ٹھنڈا کرلیں۔
٭ پھر اس میں ایک انڈہ ملائیں اور اچھی طرح پھینٹ لیں۔
٭ اس کے بعد تین چمچ پتوں والی سوکھی مہندی ڈالیں اور چار چمچ دہی ڈال کر اچھی طرح ملائیں۔
٭ دو چمچ سرسوں کا تیل یا کوئی بھی تیل اس کے علاوہ دو وٹامن ای کے کیپسول شامل کرلیں۔
٭ ان تمام چیزوں کو ایک ایک کر کے شامل کریں تاکہ اچھی طرح ہر چیز کو مکس کیا جاسکے۔
٭ یہاں آپ کا گھریلو کنڈیشنر تیار ہوگیا ہے، لہٰذا اب آپ اس کو اپنے بالوں میں اچھی طرح جڑوں تک پھیلا کر لگائیں اور کچھ دیر چھوڑ دیں اس کے بعد پانی سے دھو لیں۔
یہ کنڈیشنر نہ صرف روکھے بالوں میں جان ڈالے گا بلکہ بالوں کی نشوونما بھی کرے گا، نئے سرے سے سر پر بال اگانے کا بہترین کنڈیشنر ہے یہ۔ بس اس کا ہفتے میں دو مرتبہ استعمال آپ کو بہتر نتائج دے سکتا ہے۔