اسلام آباد۔16مئی (اے پی پی):وزیراعظم محمد شہبازشریف آج (جمعرات کو ) ایک روزہ دورے پر آزاد جموں و کشمیر کے دارالحکومت مظفرآبادپہنچیں گے۔
پی ایم آفس کے میڈیا ونگ سے جاری بیان کےمطابق وزیراعظم محمد شہباز شریف اور آزاد جموں و کشمیر کے وزیر اعظم چوہدری انوار الحق کے درمیان ملاقات ہو گی۔ وزیراعظم پاکستان آزاد جموں و کشمیر کی کابینہ سے خطاب کریں گے،ان سے جموں و کشمیر کے حریت رہنماؤں کی ملاقات بھی ہو گی۔وزیر اعظم نیلم جہلم ہائیڈرو پاور پراجیکٹ کا دورہ بھی کریں گے جہاں انہیں اس بارے بریفنگ دی جائے گی۔